Bôk nău kan “Đăp mpăn ntŭk tăch ndơ rơh bah năp, tâm n’hanh bah kơi Tết Nguyên đán Quý Mão năm 2023” yor UBND n’gor Kon Tum mbơh ƀư geh 2 ntŭk kan dăn râng, geh Siêu thị Co.op Mart n’hanh Siêu thị Win Mart.

Kon Tum tăch ndơ đăp mpăn rnoh khlay bah nar 1/12/2022 tât lĕ nar 31/1/2023.

2 ntŭk kan aơ ƀư tĭng ntêm nkrem ndơ ngêt sa công nghệ, phe rlah, ndơ rêh n’hanh ndơ nkret gâm geh dĭng lĕ 53 rmen prăk. Tơm prăk dŏng gay ntêm nkrem ndơ doanh nghiệp tŏng ăp êng. Gay dơh an nuĭh ƀon lan geh nău ŭch năp rwăt rơh bah năp, tâm n’hanh bah kơi Tết Nguyên đán Quý Mão năm 2023, ta nkual ƀon têh Kon Tum 2 ntŭk kan râng bôk nău kan đăp mpăn rnoh khlay mât uĕh 2 ntŭk tăch ndơ nâp nâl. Rlău ma 2 ntŭk kan aơ ƀư đŏng tăch ndơ đah ndeh hăn ăp ntŭk ta 2 xă nkual rnoi mpôl đêt dŭt jêr jŏt bah n’gor Kon Tum, geh: xă Đăk Sao, nkuăl Tu Mơ Rông n’hanh xă Mường Hoong, nkuăl Đăk Glei.