VOV4.M’nông: Gay đăp mpăn trong hăn tâm yan mih năm aơ, rnôk aơ ntŭk kan Gung trong nchuăn rdeng ndrel n’gâng kan 10 nkuăl, nkuăl ƀon têh bah n’gor Kon Tum dôl ntrŭt dăng ngăch nau nkra, rklaih ueh ăp ntŭk rhuh hŏ geh tă pă tơm prăk. Ndrel ma nê n’hao nau kan mêt uănh, năl ăp ntŭk rluh neh tâm trong gay ma pâng n’gâng nkah ma ƀon lan gĭt trong njrăng. Ăp rmôt kan, nkuăl kŏ dôl nchrăp ndâk nau kan njrăng rdâng, nchrăp mát móc, nŭih gay ma ƀư nau kan kơl an ndrel rklaih nau tât khuch lah rnôk geh mih dak lip tât.

Gay đăp mpăn trong hăn ân ueh bah n’gor, bah năp yan mih năm aơ, ntŭk kan Gung trong nchuăn rdeng n’gor Kon Tum kŏ nchrăp bơi tât 300 njrŏng lŭ, nklăp 1.400m3 lŭ têh, du ntŭng ndrel 3 ntŭk dăp loih mra kơl rklaih nau khuch lah geh mih dak lip lơh khuch ăp trong hăn./.

Nŭih rblang: H’Thi