VOV4.M’nông: Tâm yan vai năm 2021-2022 mhe rlau, Rmôt K53 n’gor Kon Tum hŏ joi saơ, rgum geh 13 nting tahen khĭt kăl e ta Lào ndrel Campuchia. Ngăn lah tâm 3 n’gor Attapư, Sê Kông, Chăm Pa Sắc bah dak Lào, Đội K53 n’gor Kon Tum hŏ rgum geh 6 nting tahen khĭt. Rnâng kan rđau nau kan mpeh nau joi, rgum ndrel năl moh săk bah ăp tahen n’gor Kon Tum nchrăp ntơm lơ 30/5 tât lơ 2/6/2022 tâm 3 n’gor Attapư, Sê Kông, Chăm Pa Sắc (Lào) mra geh tâm nchră, ƀư nau ntĭn leo ăp nting tahen ndrel rhuăt Đội K53 sĭt dak.

Tâm n’gor Rat-ta-na-kri, Campuchia, nau ƀư tâm nchră, leo ntĭnh ăp nting tahen ndrel rhuăt Đội K53 sĭt dak nchrăp geh ƀư ntơm lơ 6-8/6/2022. Nau rgum, njor, tâp nting 13 tahen khĭt kăl e geh Đội K53 n’gor Kon Tum joi, rgum ta Lào ndrel Campuchia tâm yan vai mhe rlau mra geh n’gor uỷ, HĐND, UBND, Uỷ ban Mặt trận Tổ quốc Việt Nam n’gor Kon Tum ƀư ôi lơ 10/6/2022 ta ntŭk tâp ăp tahen khĭt tâm nkuăl Ngọc Hồi./.

Nŭih rblang: H’Thi