Ta n’gor Kon Tum lôch bar pe mông rgŏ jă, Uỷ ban MTTQ Việt Nam n’gor hŏ dơn geh bơi 2 rmen 500 rkeh prăk kơl ƀon lan ăp n’gor, nkual ƀon têh mpeh Bắc nkra bah khuch khat tă bah phŭt lơh. Ta rơh Lễ rgŏ jă kơl ƀon lan geh tât khuch tă bah phŭt mbrô 3 lơh dơi Tỉnh uỷ-HĐND-UBND-Uỷ ban MTTQ Việt Nam n’gor Kon Tum ƀư kêng măng nar 12/9 hŏ geh 203 nhih pah kan, đơn vị, doanh nghiệp n’hanh ăp nuĭh tâm n’gor kơl rlău 425 rkeh prăk.

Ndrel đah nê geh 23 nhih pah kan, đơn vị, doanh nghiệp đăng ký kơl đah rnoh prăk rlău 2 rmen 65 rkeh prăk. Tâm nê âk đơn vị, n’gor kơl đah rnoh prăk têh kơt cán bộ, ƀon lan nkual ƀon têh Kon Tum kơl 400 rkeh prăk, nkuâl Đăk Tô kơl 300 rkeh prăk. Đah nuih n’hâm “Tâm pêt tâm kơl” nău roh yot jêr jŏt, cán bộ n’hanh ƀon lan n’gor Kon Tum dôl geh tay ăp nău kan têh uĕh rgop kơl  nuĭh ƀon lan ăp n’gor, nkual ƀon têh mpeh Bắc geh khuch khat tă bah phŭt mbrô 3 lơh ma prăk tâm ban kơt ăp ndơ dŏng sa khlay đŏng.