VOV4.M'nông: UBND n'gor Kon Tum mhe ƀư HHọp báo mbơh mpeh nău an ƀư, tĭng ƀư nău n'glôch jêh mbrô 222 nar 18/2/2022 bah Thanh tra Chính phủ. Wa Nguyễn Hữu Tháp, Groi Kruanh UBND n'gor Kon Tum, an gĭt: UBND n'gor hŏ rđău đă ăp nhih pah kan, nkuâl geh tât ndăn ôp uănh tay ăp tŏng lam lĕ rngôch, an ƀư bah ăp ntŭk rbăn lhơ, ma Thanh tra Chính phủ hŏ nchŏng luh.

Đah ăp  nău tih tâm pah kan mât dŏng neh ntu; pah kan mât uănh ntuh kơl rdâk njêng; Dăp rgum rdâk njêng, dăp rgum nkual ƀon têh...ma Thanh tra Chính phủ hŏ n'glôch jêh. UBND n'gor Kon Tum mbra rđău đă ăp nhih pah kan, ăp nkuâl geh tât an tĭng ƀư răp jăp, đăp mpăn tĭng di nău way dôl dŏng aƀaơ. Mpeh nô nău nde joi sa tĭng săk ntơ sâm Ngọc Linh, kruanh Sở Nông nghiệp n'hanh Phát triển Nông thôn n'gor Kon Tum an gĭt, aƀaơ geh âk nuĭh nde tâm săk ntơ lư sâm Ngọc Linh Kon Tum gay tăch ndơ ta ăp ntŭk n'hanh ta mạng xã hội. N'gor mbra ƀư ôp uănh n'hanh ƀư bah nô nău dja./. 

Nuĭh rblang: Điểu Thân