VOV4.M’nông- N’gor Ủy Kon Tum lĕ geh nău ntrŭnh ƀư kỷ luật nglưh lĕ rngôch nău kan tâm Đảng đah wa Đặng Thanh Nam, groi Bí thư nkuăl Ủy, kruanh UBND nkuăl Kon Plông. Dơi gĭt, nkô̆ nău ƀư an n’gor ủy Kon Tum an geh rmal kỷ luật đah wa Đặng Thanh Nam lah geh tât ăp nău tih tâm trong kan mât uănh neh ntu n’hanh ntuh kơl rdâk njêng.

Ntoh lư lah nău wa Đặng Thanh Nam ntĭm đă ƀư tĭng nău nchrăp kan sŏk dŏng rnoh neh ta nkual ƀư ngih prêh dăp ta mpeh ba lơ nkuăl Kon plông đah nău âk rlău 21 ha rnôk ma ê hŏ geh rgâl nău dŏng neh, ê hŏ geh pă an ntŭk kan dơi kan an dŏng ƀư tih ăp nău ntrŭnh bâh pháp luật mpeh ntuh kơl nsum. N’gor Ủy Kon Tum uănh năl, nău tih bâh wa Đặng Thanh Nam ƀư geh nău tât hô, ƀư âk nău mô ueh nău mĭn tâm cán bộ, đảng viên n’hanh ƀon lan, ƀư hŭch nău knơm bâh gâl ủy, n’gâng kan ta ntŭk n’hanh wa Đặng Thanh Nam nơm.

Nuĭh rblang: Thị Đoắt