VOV4.M'nông: Lor nchrăp đah ăp nău tât mih têh tă khuch bah phŭt mbrô 5, n'gâng kan dơi kan n'gor Kon Tum dôl ra tay, an tĭng ƀư ăp trong nchrăp gay mât đăp mpăn nâp uĕh đah ăp dak bât. Lam n'gor Kon Tum aƀaơ geh 85 n'glău dak bât đah rnoh têh weh ƀư nklăp 93 rkeh m3 dak.

 Dơi jao mât uănh, dŏng 79 dak bât, n'glău n'gâr dak bât têh bah n'gor, wa Nguyễn Văn Dẫn, Groi Giám đốc Ban Mât uănh - dŏng ăp dak bât n'gor Kon Tum an gĭt, ntơm bah nar 13/10, đơn vị hŏ an ƀư trong rdâng lơh đah nău tât trôk nar lơh. Ta ăp dak bât, n'glău n'gâr dak, đơn vị n'hao mpôl kan gŭ kâp njrăng ta ntŭk dak bât, ta Nhih pah kan ntŭk mât dŏng n'hong dak lŏ ta 10 nkuâl, nkual ƀon têh n'hanh văn phòng Ban mât dŏng. Mô uănh lhơ, thơ tha, aƀaơ pah kan gŭ kâp njrăng đah nău tât mih têh tă khuch bah phŭt mbrô 5 dôl dơi  Ban Mât uănh - dŏng ăp dak bât n'gor Kon Tum tĭng ƀư jăp, gŭ kâp ndăng măng nar 24/24h.

VOV Tây Nguyên

Nuĭh rblang: Điểu Thân