VOV4.M'nông: Kêng măng 24/1, ta nkual ƀon têh Kon Tum, Ban Thường vụ Tỉnh ủy Kon Tum ƀư Tâm nchră n'glôch jêh pah kan báo chí năm 2021 n'hanh mâp măt 135 nuĭh ntơh măt an rmôt nuĭh gĭt blău, văn nghệ sỹ n'hanh báo chí năm 2022.

Uănh năl bah Ban Tuyên giáo Tỉnh ủy Kon Tum n'hanh nău lah bah Bí thư Tỉnh ủy, Kruanh HĐND n'gor Kon Tum Dương Văn Trang ta rnôk tâm nchră an saơ, năm 2021 tâm rnôk nuh srê COVID-19 tât krit nji yơn Kon Tum hŏ ƀư dơi rnoh tât kan "ndrop", nkre njrăng n'gang nuh srê nkre hun hao wăng sa- rêh jêng kon nuĭh n'hanh geh tât âk nău kan khlay.

Dơi geh nău dja, geh nău rgop suan bah rmôt nuĭh nuĭh gĭt blău, văn nghệ sỹ n'hanh báo chí. Ta rnôk tâm nchră, Ban Thường vụ Tỉnh ủy Kon Tum nchih nkah âk nău rgop bah nuĭh gĭt blău, văn nghệ sỹ n'hanh báo chí tâm trong tor lor trong kan; nkoch n'hơ nău uĕh văn hoá, njroh mprơ way ơm ăp rnoi nuĭh Kon Tum. Kruanh rđău kan Kon Tum đă ăp gưl, ăp n'gâng kan nta trong dơh gay rmôt nuĭh gĭt blău, văn nghệ sỹ n'hanh báo chí rgop tay âk lơn đŏng tâm rơh rdâk njêng n'hanh hun hao n'gor Kon Tum./.

Nuĭh rblang: Điểu Thân