VOV4.M’nông: Nau mbơh tă bah N’gâng kan mât njrăng bri n’gor Kon Tum ôi 9/9 mbơh, Ntŭk kan mât njrăng bri nkuăl Sa Thầy hŏ leo mhal nau tih sŏk ntŭng kăl si tih dôih tâm nkuăl. Jêh geh nau ndŏ leo mhal nau tih hình sự mpeh “tih nau ntrŭnh mpeh nau kăl si, mât njrăng bri”, Ntŭk kan mât njrăng bri nkuăl Sa Thầy hŏ leo săm ƀŭt tât Ntŭk kan Cảnh sát mêt uănh, Công an nkuăl Sa Thầy gay ma uănh, mhal tĭng nau ntrŭnh bah pháp luật.

Nau kan geh saơ tâm ntŭk bri yor Công ty TNHH Du ntŭk kan mât njrăng bri Sa Thầy mât tâm xã n’har bri Mô Rai, nkuăl Sa Thầy. Ntŭk ntŭng kăl si tih dôih jêr saơ, ƀah ngai đah ƀon lan ndrel ngai đah Quốc lộ 14C nklăp rlau 10 km.

Tâm rnôk saơ nau tih tâm lơ 2/9/2022, rmôt mât njrăng bri bah Công ty TNHH du ntŭk kan mât njrăng bri Sa Thầy kơp dơn geh 32 tơm si geh kăl chôt, đah rnoh si rlau 40m3, geh ăp ntil si ntơm nhóm III tât nhóm VIII./.

Nŭih rblang: H’Thi