Xã Đăk Nhoong, nkuăl Đăk Glei, n’gor Kon Tum geh trong n’har bri ngih dak jong rlău 35km dăch n’har đah nkuăl Đăk Chưng, n’gor Sê Kông, dak băl Lào.

Đah nău mĭn “ăp nuĭh ƀon lan lah du n’gâng n’har bri”, năm ba năp pôih tahen n’har bri Đăk Nhoong tâm rgop na nê̆ đah n’gâng kan xã Đăk Nhoong ƀư tĭng ueh nău ntrŭnh kan mbrô 01 bâh Thủ tướng Chính phủ mpeh nău leo pah kan lĕ ƀon lan tât râng mât nău ƀư tơm nkual neh, rnă njrăng n’har bri ngih dak tâm nău mhe. Đại tá Phạm Cảnh Toàn, groi chính ủy tahen n’har bri n’gor Kon Tum an gĭt, Đăk Nhoong lah xã bôk năp tâm lĕ rnoh 13 xã n’har bri bâh n’gor Kon Tum ƀư nar tâm mâp. Aơ lah nău kan dŭt khlăy mpeh chính trị, nău tâm pêt tâm rŏng, lah rơh gay ma cán bộ, tahen n’har bri lah ueh tât gâl ủy, n’gâng kan n’hanh ƀon lan ta ntŭk.