Ta 12 ntŭk tâm rlong tốt nghiệp bah n’gor Kon Tum ƀa ƀơ kâp uănh ăp rmôt kơl kan n’hanh lĕ ntop kơl săk rnglăy kon hŏk. Kơp uănh bah N’gor đoàn Kon Tum an saơ tâm nar tâm rlong bôk năp, ăp rmôt kơl kan ntop soan yan tâm rlong ta 12 ntŭk tâm rlong tốt nghiệp THPT bah n’gor lĕ ntop kơl kon hŏk rlău 1.500 bôk ndeh rdêng an dơm; pă 7.000 gri dak; rlău 300 hộp dak toh, bánh njŭng; rhiăng mâng nchih, cục jŭt rplay sam ƀŭt...

an kon hŏk. Ndrel đah nĕ ăp rmôt kơl kan ta ăp ntŭk tâm rlong ta n’gor lĕ ngăch ntop kơl kon hŏk mkra du đêt nău geh tât, kơt bĭch chuêl, chuêl sam ƀŭt tâm rlong ta jay. Ndrel đah nău ƀư kơl kan ntop kơl săk rnglăy kon hŏk tâm rlong tốt nghiệp THPT ta ăp ntŭk tâm rlong, rhiăng kon hŏk ta n’gor Kon Tum dơi n’gâng kan ƀon lan, mpôl druh ndăm n’hanh ngih sam ƀŭt ntop kơl ntŭk gŭ, sông sa an dơm tâm ăp nar ƀư tâm rlong./.