VOV4.M’nông: Rmôt kan nkuăl Kon Plông, n’gor Kon Tum dôl ndal uănh nau tih ntŭng kăl si mhe geh saơ tâm nkuăl têh Măng Đen. Nau mbơh bôk năp geh dơi gĭt nau kan kan geh UBND nkuăl têh Măng Đen saơ tâm lơ 3/3/2022 tâm lô 2 ndrel 3 khoản 11, tiểu khu 486, rnoh neh bri aơ tâm nau mât njrăng bah UBND nkuăl têh Măng Đen. Tât lơ 8/3/2022 ăp rmôt kan n’gâng kan bah nkuăl Kon Plông hŏ ntơm tât uănh ri saơ geh 26 tơm si geh kăl chôt, ăp ntil si geh: Xoang mộc, mham so, bời lời êr, Xoan nơm tâm rmôt V ndrel rmôt VI.

Têh ăp ntil tơm geh phung ntŭng kăl si kăl chôt ntơm 30cm tât 80cm. Ăp tơm geh phung nê kăl knŭng sŏk tâm ntŭk tơm rêh ngăn, hôm tơm jê̆ nchlơi ta ntŭk kăl. Nau têk têk geh uănh bôk năp ân saơ têk mpeh nkuăl Kon Rẫy. Nau rih ntŭng kăl si dôl geh ntŭk kan Cảnh sát điều tra công an nkuăl Kon Plông ndrel N’gâng kan mât njrăng bri nkuăl Kon Plông, n’gor Kon Tum ndal uănh ƀư kloh./.

Nŭih rblang: H’Thi