VOV4.M’nông: Tâm 2 nar rlau aơ, nau kan bah Chu Ngọc Anh, Kruanh UBND nkuăl ƀon têh Hà Nội ndrel Nguyễn Thanh Long, Kruanh n’gâng kan dak si hŏ geh ân luh Đảng, ân nsrŭng nau kan, geh mhal ndrel nhŭp krŭng lah nau geh ăp cán bộ, đảng viên ndrel ƀon lan n’gor Kon Tum uănh ngăn. Wa Trương Duy Cảnh, 69 năm, 40 năm lăp Đảng, ngih tâm mrô 104, trong Phạm Văn Đồng, phường Lê Lợi, Nkuăl ƀon têh Kon Tum ntoh nau, nau kan njrăng rdâng sa khâm lah nau kan, nau ƀư mro mrăng bah Đảng. Ndri ma, ê geh rnôk păng saơ nau kan aơ lŏ geh ƀư du trong rjăp ngăn, ndal ndrel nâp kơt rnôk aơ. Bah nau kan bah Chu Ngọc Anh ndrel Nguyễn Thanh Long, wa lơn ma geh nau rnơm tâm nau lơh njrăng rdâng sa khâm bah Đảng ndrel êng săk bah Tổng Bí thư Nguyễn Phú Trọng:

‘

Wa Trương Duy Cảnh, ngih tâm mrô 104, trong Phạm Văn Đồng, phường Lê Lợi, Nkuăl ƀon têh Kon Tum.

 Gâp rnơm ngăn tâm Đảng nơm ƀư ueh, nâp đah ăp nŭih dôl ma ndăn nau kan bah nơm gay ma sa nkhăn ndơ bah ƀon lan, sa ndăn ndơ bah neh dak, mô ueh mpeh nau rêh. Mhe nơh, Kruanh n’gâng kan dak si Nguyễn Thanh Long ndrel Chu Ngọc Anh, ƀư nau kan têh ngăn, yơn mô di lah yor nau kan têh ma nơm moh nau ƀư, nau ŭch ri kŏ dơi ôh. Gâp ŭch lah, nơm ân geh nsum ty ndrel ndâk njêng ndrel nsum ty lơh rdâng ngăn nau sa khâm, njrăng rdâng nau roh khuch mpeh nau rêh bah cán bộ, đảng viên”./.

Nŭih rblang: H’Thi