VOV4.M’nông - Tâm ăp nar êp Tết aơ ta n’gor Kon Tum, âk rơh ndeh rdêng ndơ Tết hôm e nsrôih tât đah nuĭh ƀon lan 6 thôn ƀon nkual căn cứ cách măng N’gor ủy Kon Tum ta xă Măng Ri, nkuăl Tu Mơ Rông.

Nuĭh ƀon lan xă Măng Ri sŏk sŭr ƀư sa Tết

Tết năm aơ 145 rnăk ach o bah xă Măng Ri du rnăk dơi n’gor Kon Tum ntop kơl 600 rbăn prăk n’hanh 28 rnăk êp ach o du rnăk dơi ntop kơl 300 rbăn prăk gay sa Tết. Rlău ma nĕ, ăp rnăk aơ hôm dơi sŏk ndơ Tết bah ăp rmôt nsum mpôl, doanh nghiệp n’hanh rmôt kan lŏng bôk tôr du nklâm ndơ bah 500 rbăn prăk let lơ.

Ăp ƀon ta 6 xă nkual căn cứ cách mạng N’gor ủy Kon Tum dơi ntop kơl sŭr an nuĭh ƀon lan sa tết Nguyên đán Nhâm Dần.

Wa Nguyễn Đình Hồng, Công ty Cổ phần sâm Ngọc Linh Kon Tum an gĭt, ndrel đah xă Măng Ri, ta 5 xă bah nkuăl Tu Mơ Rông, geh: Tê Xăng, Ngọc Lây, Ngọc Yêu, Đăk Na n’hanh Văn Xuôi Công ty an du ƀon 2 mlâm sŭr gay ƀon lan sa Tết.

Nuĭh rblang: Y Sưng Phê Ja