VOV4.M’nông- Ta nkuăl Tu Mơ Rông, n’gor Kon Tum mih têh jŏ nar tâm ăp nar ba năp lĕ ƀư rluh rlâm, khuch du đê̆ trong hăn. Aƀaơ, n’gâng kan ta ntŭk dôl ngăch ndăn ndâk nkra nău khuch khat gay ma mât đăp mpăn nău hăn nsong n’hanh đăp mpăn nău rêh an ƀon lan.

Du ntŭk rluh neh ta trong hăn let 4 xã bâh nkuăl Tu Mơ Rông

Pla nău nchih mbơh njrăng ntŭk rluh neh

Năp lor gay ma mât đăp mpăn nău hăn nsong an ƀon lan, ta ăp ntŭk rluh rlâm ta trong hăn 4 xã mpeh nhâp nar bâh nkuăl Tu Mơ Rông, n’gâng kan têh ta nkuăl tâm rgop đah UBND ăp xã ƀư chŭt ntăm mâng pla nchih njrăng ta ăp nkual geh nău tât. đă mpôl kan têh kâp chăm ntĭm leo ƀon lan n’hanh ndeh klư hăn nsong ta ntŭk pich rluh neh an đăp mpăn. Đah ăp ntŭk khuch jê̆ ta ăp trong hăn let thôn, let xã, nkuăl Tu Mơ Rông rgum lĕ ndeh klư, nuĭh kan ta ntŭk gay ma nkra mhe tay, nking nchăng mô an geh khuch tât nău hăn nsong, nău pah bâh nuĭh ƀon lan.

Nuĭh rblang: Thị Đoắt