VOV4.M’nông-  Hôm ê hŏ tât 1 khay tay lah geh ƀư rơh thi tốt nghiệp THPT, ta Kon Tum tâm lvang ngăch ndăn aơ, ăp ntŭk ngih nti dôl n’hao nău nti tay n’hanh nchrăp na nê̆ nău mĭn an kon hoc knơm ƀư thi blău. Rơh thi tốt nghiệp THPT năm aơ n’gor Kon Tum geh rlău 4.700 oh râng thi. Gay ma uănh năl di nău blău bâh ăp kon hoc, ntŭk kan ntĭm n’hanh nti n’gor Kon Tum ntĭm đă ăp ntŭk ƀư leo an lĕ rngôch ăp kon hoc nti jrô 12 thi rlong gay ma uănh năl, ngăch ntop tay, nti tay nkô̆ nău thi ta ăp môn gay ma kơl an kon hoc geh ngăch gĭt vât n’hanh gĭt na nê̆ nău nti. Ntŭk kan ntĭm n’hanh nti n’gor Kon Tum nchrăp njêng 12 ntŭk thi, đah 203 jrô thi, 41 ntŭk kâp n’hanh nchrăp lor. Gay ma rơh thi geh ƀư đăp mpăn, răng dăng, di nău ntrŭnh, rnâng kan ntĭm leo rơh thi tốt nghiệp THPT năm 2022 n’gor Kon Tum lĕ ndơ̆ nău nchrăp kan mât đăp mpăn an kon hoc ta njônh ngai tâm rnôk hăn thi n’hanh ntŭk gŭ rlu, sông sa. Pă ăp ntŭk thi tâm di đah nău ngăn n’hanh dơh nơih an kon hoc.

Nuĭh rblang: Thị Đoắt