Ăp nar aơ, mông nar Rgum lam ƀon lan ndơ̆ kon se tât ngih sam ƀŭt lĕ geh ta ăp thôn ƀon dăch ngai ăp rnoi mpôl đêt bah ăp n’gor Tây Nguyên. Năm nti mhe, n’gor Kon Tum pơk hvi ntrong kan gŭ sa ngih sam ƀŭt ƀon lan mât rong; n’hao rnoh kon hŏk rnoi mpôl đêt. Năm nti 2024-2025 n’gor Kon Tum geh rlău 167.000 kon se, kon hŏk, tâm nĕ geh rlău 98.000 kon se, kon hŏk rnoi mpôl đêt. Bah lơ 12/8, êng ăp mon kon hŏk jrô 1 rnoi mpôl đêt bah n’gor lĕ plơ ngih sam ƀŭt gay nai ntĭm nău ngơi Yuăn kơl ăp oh knơm tâm năm nti mhe. Ta ăp thôn ƀon, me bơ̆ ăp oh kon hŏk an nău uănh tât rơh rgŏ năp. Yuh Y Hrâm, ƀon Kon Vơng Kia, nkuăl têh Măng Đen, nkuăl Kon Plông, an gĭt:

Nchrăp lăp năm nti mhe, rnăk wâl gâp lĕ rwăt năp an oh kon lah kho ao, ntô jôt, jep, dŭng anh, mâng nchih, ndrôm sam ƀŭt.... Rnăk wâl nchrăp prăk nti bôk năm n’hanh năp rwăt tŏng ăp ndơ dŏng nti. Trong hăn bah jay tât ngih sam ƀŭt ngai đŏng jêng rnăk wâl lĕ nchrăp ndeh gay ndơ̆ kon wơt kon tât ngih sam ƀŭt nti đăp mpăn, mpŏng kon he tâm năm nti mhe gĭt blău.

Năm nti mhe 2024-2025, nău kan ntĭm nti n’gor Kon Tum uănh khlay mbơh ƀư săk rnglăy Rơh rgŏ jă “Ƀư rgâl nău mĭn, trong ƀư bah ƀon lan rnoi mpôl đêt, ƀư an ƀon lan rnoi mpôl đêt hao rklaih luh ach o nâp nâl”; pơk hvi ntrong ƀư gŭ sa ngih sam ƀŭt ƀon lan mât; n’hao rnoh kon hŏk rnoi mpôl đêt gơih đeh n’hanh mô ntlơi nti.