VOV4.M’nông – Ôi 2/6, ta nkuăl Đăk Hà, N’gor đoàn Kon Tum ƀư hăn pah kan Druh ndăm kơl kan năm 2022. Nău kan aơ geh ăp naư ƀư kơt: Đoàn viên, druh ndăm râng ndâk njêng ƀon lan mhe, mât njrăng ntŭk ntô gŭ âm, rdâng đah rgâl trôk nar; Mât uănh an kon se, râng ntop kơl nuĭh ƀon lan geh khuch chôt srê Covid-19; Nkoch trêng Luật druh ndăm; ƀư nglăp đoàn viên, hội viên mhe... Ta nar hăn pah kan, N’gor đoàn Kon Tum an 50 nklâm ndơ an ăp oh kon hŏk jêr jŏt hun hao gơih blău nti;

Kon Tum hăn pah kan khay druh ndăm kơl kan khay rlu nti năm 2022.

An dŭng đăp mpăn nău rêh an 100 rnăk druh ndăm rnoi mpôl đêt, kon chroh jêr jŏt; An ntrong kan nchăng n’gang ndŏk nja ka su rgum ndŏk nja ta ăp trong thôn ƀon n’hanh ntrong kan mir tơm tăm tâm di đah rgâl trôk nar; an 1.000 ka chok dak toh an kon se geh nău rêh jêr jŏt; Rnê nkhôm 9 rmôt n’hanh 9 nuĭh geh nău uĕh blău ngăn tâm ăp nău kan khay druh ndăm năm 2022.

Ôi nar 2/6, ta nkuăl ƀon têh Pleiku, n’gor Gia Lai ƀư bôk nău kan ntơm hăn kan khay mom ndăm khay rlu nti năm 2022” đah nău tât râng bâh 350 đoàn viên mom ndăm. Nău kan năm aơ, rnâng kan Đoàn n’gor Gia Lai lĕ geh njêng 5 mpôl kan mom ndăm tâm kơl, ntơm hăn kan ƀư tĭng ăp nău kan tâm kơl ta lĕ rgŏ 3 khay rlu nti. Ăp nău kan, nău pah kan, nău tgeh kan na nê̆ rgum ta ăp xã n’har bri n’hanh ăp xã, ƀon dôl nsrôih an geh tâm di nkual ƀon lan mhe tâm năm 2022. Nău kan aơ, mom ndăm Gia Lai nsrôih nkra mhe, ƀư mhe 15km trong hăn ta nkual ƀon lan, tăm mhe 150 rbăn tơm si nđir, rdâk njêng 3 ngih tâm pêt tâm rŏng, ngih tâm kơl, uănh, mbơh nău ndơ sa kah, săk soan, mât đăp mpăn kloh ueh ndơ sông sa an geh dŭt đê̆ 1 rbăn nuĭh ƀon lan, rdâk njêng ƀư mhe n’hanh rgâl nkra 8 ngih ach o ta ngih nti, nti nău kan ntơm njêng nău kan an mom ndăm.

            Nŭih blang: Y Sưng Phê Ja