Ôi 28/3), ta nkuâl Ngọc Hồi, Tỉnh đoàn Kon Tum kan nsum đah Tỉnh đoàn Lâm Đồng ƀư bôk nău kan "Khay pe n'har bri". Râng bôk nău kan geh rlău 300 đoàn viên druh ndăm.

Druh ndăm bar n'gor Kon Tum n'hanh Lâm Đồng hŏ ƀư âk nău kan geh nkô̆ khlay kơt: pă nklâm ndơ an cán bộ tahen Pôih n'har bri Đăk Xú; pă 20 nklâm học bổng, dŭng đăp mpăn an kon se nti n'hanh rnăk geh nău rêh jêr jŏt; ntop kơl prăk ƀư nău kan druh ndăm n'gâng mpoh ang trong n'har bri; pă an 1000 lha cờ Tổ quốc an nuĭh ƀon lan; but săm ji n'hanh phăt dơm dak si an rlău 300 tơ̆ nuĭh ƀon lan; râng hăn treng nđôi, jik kuaih uĕh pih rêp meng trong hăn rsong ŭanh, chào cờ Tổ quốc ta n'gâng ntăm n'har bri 3 n'har. Bôk nău kan druh ndăm khay 3 n'har bri rgop rdâk tay nău dơn kan bah đoàn viên druh ndăm đah nkual n'har bri, nkual jru nkual ngai; ntơm bah nê râng hun hao wăng sa- rêh jêng kon nuĭh, râng rdâk njêng ƀon lan mhe.