VOV4.M’nông: Tâm 2 nar lơ 24-25/4, rmôt hăn kan bah Uỷ ban Dân tộc yor wa Hầu A Lềnh, Uỷ viên Trung ương Đảng, Kruanh n’gâng kan, Kruanh uỷ ban Dân tộc ƀư tơm rmôt geh nar pah kan đah n’gor Kon Tum mpeh nau tă geh ƀư nau kan kơl an, nau ntrŭnh ƀư Bôk nau kan neh dak hun hao văng sa, rêh jêng nkuăl rnoi mpôl đê̆ ndrel gôl yôk, lvang bôk năp ntơm năm 2021-2025 tâm n’gor Kon Tum.

N’gor Kon Rtum geh rnoh nŭih rlau 568 rbăn nŭih đah 43 rnoi mpôl, nŭih rnoi mpôl đê̆ geh rlau 54,9%. Bol ma ăp năm n’gor n’huch ntơm 3-4% rnăk ach o, yơn tât dŭt năm 2021 n’gor hôm bơi tât 22 rbăn rnăk ach o, geh bơi tât 16% rđil tnoh rnăk lam n’gor, tâm nê rnăk rnoi mpôl đê̆ ach o geh tât rlau 94%. Ntoh nau tâm nar pah kan, Kruanh n’gâng kan Uỷ ban Dân tộc Hầu A Lềnh nkah.

Tâm nau ƀư ăp nau kan neh dak hun hao văng sa, rêh jêng nkuăl rnoi mpôl đê̆ ndrel nkuăl yôk, n’gor Kon Tum ân nchrăp ăp nau ƀư nau kan. Nkre đah nau ƀư bôk nau kan neh dak năm 2022 ân geh nchrăp nau ntop tơm prăk ân năm 2023. Kruanh n’gâng kan kŏ đă n’gor Kon Tum uănh kơl an ân rmôt cán bộ ƀư nau kan rnoi mpôl đê̆, tŏng nau dơi ntrŭnh./.

Nŭih rblang: H’Thi