VOV4.M’nông- Đah bôk nău: “Tâm rgop ntŭk rêh jêng- trĕ lam nău kan tâm kơl”, ôi nar 9/5, ta nkuăl ƀon têh Kon Tum, Hội chữ thập đỏ n’gor Kon Tum leo ƀư rơh rgŏ jă Khay tâm kơl năm 2022. Tâm khay tâm kơl năm aơ, Hội chữ thập đỏ n’gor Kon Tum nsrôih kơl an bâh 3 rbăn tât 5 rbăn nuĭh geh nău rêh jêr jŏt; rdâk njêng 8 ngih jay chữ thập đỏ mô lah nău kan tâm kơl ntŭk rêh jêng, leo ƀư uănh săm ji, mbơh ôp săk soan, pă dak si mô sŏk prăk an nuĭh ƀon lan nkual jêr jŏt.

Hội chữ thập đỏ n’gor Kon Tum an gĭt, gay ma dơi geh nkô̆ mpŏng mhe mbơh, hội chữ thập đỏ n’gor Kon Tum mbra n’hao tâm rgop ntŭk rêh jêng, trĕ lam nău kan tâm kơl an di đah bôk nău kan bâh khay tâm kơl năm aơ. Ta rơh rgŏ jă khay tâm kơl năm 2022, hội chữ thập đỏ Kon Tum lĕ geh dơn bơi tât 140 rkeh prăk bâh ăp ntŭk kan n’hanh nuĭh kan tât kơl an.

Nuĭh rblang: Thị Đoắt