Rơh rlau aơ dôl tâm rnôk yan vai tâm Tây Nguyên, tâm n’gor Kon Tum bri duh nar hô, kro phàng tâm âk khay rlau aơ ƀư ma rhiăng rbăn ha bri chăt êng ndrel bri tăm mra geh ŭnh sa tât. Gay ma njrăng rdâng ŭnh sa bri, ăp rmôt nŭih tơm mât njrăng bri ndrel n’gâng kan tâm nkuăl dôl ntrŭt dăng nau kan n’hao rmôt kan, ndơ dŏng gay ma njrăng rdâng ŭnh sa bri n’ăp ma măng nar. Tâm ăp nkuăl Đăk Tô, Đăk Hà, Sa Thầy, Kon Rẫy, Ngọc Hồi, Đăk Glei, ntŭk geh n’gor Kon Tum mbơh geh âk neh bri chăt êng ndrel bri tăm mra geh ŭnh sa hô.

Ăp rmôt tơm bri, rmôt n’gâng kan tâm ăp nkuăl bah n’gor Kon Tum lŏ ndâk tay ăp ntŭk nkân njrăng rjăp nŭih luh, lăp tâm bri, n’hao nau kan leo rmôt nŭih tât nkual tâm dăch ma kâng n’har gay ma ntĭm ƀon lan rep, muih, su mir gay ma dơi nkân njrăng mô ân ŭnh sa rêng tâm bri. Nkre lah, rmôt tahen, công an tâm grop ma rmôt mât njrăng bri, rmôt tơm bri ndrel n’gâng kan bah nkuăl kŏ nchrăp ueh nau kan, pă nŭih, ndơ dŏng râng nau mpuh n’hât ŭnh, rklaih lah geh ŭnh sa bri./.