Kêng măng 20/6, Hội Nhà báo n’gor Kon Tum ƀư nkah gĭt 98 năm Nar báo chí cách mạng Việt Nam 21/6 n’hanh an Giải báo chí n’gor Kon Tum rơh tal 11. Ta nar mâp măt, rlău 120 hội viên Hội Nhà báo n’gor Kon Tum n’hanh ăp đại biểu lĕ nkah gĭt tay ăp nău way uĕh ang 98 năm báo chí cách mạng Việt Nam têh jêng n’hanh hun hao.

Ntoh ngơi ta nar mâp măt, wa Nguyễn Văn Hòa, Groi Bí thư N’gor ủy Kon Tum mĭn lah nău tơm khlay bah báo chí nchrŏng trong mbơh nău, jêng geh nău tâm ban ndrel lam kon nuĭh, nâp nâl nău nsing nơm bah ăp rơh kơn nuĭh ƀon lan tâm nău rđău bah Đảng, mât uănh ƀĭt joet bah Ngih dak rgop ƀư dơi nău rƀŏng, nău kan hun hao wăng sa-rêh jêng bah n’gor. Giải báo chí n’gor Kon Tum rơh tal 11 lĕ dơi geh 60 tác phẩm. Hội đồng Chung khảo nklăch phiếu chấm điểm săch 27 tác phẩm uĕh ngăn gay an giải. Di rơh aơ, Hội Nhà báo n’gor Kon Tum lĕ an Kỷ niệm chương Yor nău kan Báo chí Việt Nam bah Hội Nhà báo Việt Nam an 2 hội viên.