Gay mbơh gĭt nău lư, buăt nthoi tơm nuĭh kan n’hanh ŭch joi geh nuĭh kan; nta trong dơh gay nuĭh kan, đoàn viên druh ndăm tât dơi ăp tŏng, năn ngăch mbơh joi gĭt ntŭk kan ntơm bah nê sơch dơi nău kan tâm di, nar 17/5, ta nkual ƀon têh Kon Tum, Sở Lao động- Thương binh n’hanh Xã hội kan nsum đah Tỉnh đoàn Kon Tum ƀư Nar nta joi nău kan năm 2023 wăch rgum âk mpưm nuĭh kan ŭch joi geh nău kan .

Ta nar nta joi nău kan n’gor Kon Tum năm 2023 geh 37 đơn vị, doanh nghiệp đăng ký ŭch sơch geh nuĭh kan đah rlău 3.200 ntŭk pah kan tâm n’gor, bah dih n’gor n’hanh hăn pah kan ta dak bah dih, 12 đơn vị, doanh nghiệp râng sơch lăp nar nê̆ ta Nar nta joi nău kan geh nsing nơm, nău kan tăch rgâl nsĭt geh nău dơi, geh trong kơl prăk khay n’hanh ăp trong kơl êng ƀa ƀă an nuĭh kan.

Tâm nar nta joi nău kan n’gor Kon Tum năm 2023, ăp đơn vị, doanh nghiệp geh nău ŭch sơch geh nuĭh kan hŏ wơt, mbơh joi nău kan an nklăp 700 nuĭh kan, sinh viên n’hanh đoàn viên druh ndăm. N’gor Kon Tum n’gluh tâm năm 2023 nta joi geh an rlău 6.000 nuĭh kan, tâm nê geh 100 nuĭh kan hăn pah kan ta dak bah dih./.