Nar 28/7, UBND n’gor Kon Tum ƀư Tâm nchră uănh năl jêh geh rgâl dơh glêh siƀŭt, rgâl soih aih ntŭk ntuh kơl tăch rgâl. Tĭng ŭanh năl bah Liên đoàn Thương mại n’hanh Công nghiệp Việt Nam, pah kan rgâl dơh glêh siƀŭt, rgâl soih aih ntŭk ntuh kơl tăch rgâl bah n’gor Kon Tum tâm bah ri aơ geh âk nău dơi.

Ntoh lư lah rnoh nău dơi tâm rlong gưl n’gor 24 gưl dâk 37/63 n’gor, nkual ƀon têh; Rnoh nđĭr uĕh gưl n’gor dâk 26/63 n’gor,  nkual ƀon têh; rnoh rgâl dơh glêh siƀŭt hao 4 gưl dâk 55/63 n’gor, nkual ƀon têh…Ntrŏng rgâl dơh glêh siƀŭt, rgâl soih uĕh ntŭk ntuh kơl tăch rgâl lah trong nkra đăt ndal, rgum tơm gay tĭng ƀư geh nău  dơi ăp rnoh tât kan, rnoh dơi hun hao wăng sa- rêh jêng kon nuĭh lvang năm 2020- 2025, ta Tâm nchră wa Lê Ngọc Tuấn, Kruanh UBND n’gor Kon Tum an ƀư 6 rmôt trong nkra gay lơh bah ăp nchiăng khan, tâm nê rgum njêng đăt ndal tâm rhŏ dŏng nuĭh ƀon lan, doanh nghiệp; n’hao nău gĭt êng mpeh ntŭk gŭ kan, nău khlay kan bah pah kan rgâl soih aih ntŭk ntuh kơl, tăch rgâl, n’hao nău dơi tâm rlong đah nău hun hao wăng sa- rêh jêng kon nuĭh; ôp uănh, dăn đă koh n’hŭch, ƀư dơh glêh siƀŭt geh tât ăp nău kan ntuh kơl, tăch rgâl./.