Tâm nkuăl ƀon têh Kon Tum, Rnâng kan rđau kan 35 n’gor uỷ Kon Tum ƀư rơh rƀŭn ntĭm nti du đê̆ nkô̆ nau mpeh nau kan mât nau dơi tâm nau mĭn kan bah Đảng năm 2023 ân rđau kan, nŭih ƀư ăp nau kan bah ntŭk kan kơl mbơh nchră nau kan ân N’gor uỷ, HĐND, UBND, UBMTTQ Việt Nam n’gor, ăp ntŭk kan chính trị, rêh jêng ndrel nŭih kan bah Rnâng kan rđau kan, rmôt ƀư nau kan nchră nau, Rmôt thư ký kơl an nau kan ân Rnâng kan rđau kan 35 gưl nkuăl ndrel n’gor Kon Tum.

Geh tâm 1,5 nar ndrel ntơm bah kêng măng 29/5, rơh rƀŭn ntĭm mbơh du đê̆ nkô̆ nau mpeh nau kan mât nau mĭn kan bah Đảng năm 2023 yor Rnâng kan rđau kan 35 n’gor uỷ Kon Tum ƀư gay n’hao nau dơi bah chính trị, nau kan bah ăp cán bộ, đảng viên rnơm, ƀư ueh ăp nau ntrŭnh, ntrong kan bah Đảng tâm rnôk mhe, nchrăp ăp nau blau tâm nau kan ân cán bộ, rđau kan, rmôt ƀư nau kan kơl nchră nau geh nau năl, geh nau blau rklaih ăp nau tâm rkeh tâm nau rêh gay ma nchrăp ƀư ăp nau kan ngăn gay ƀư ân geh săk tam bah ăp nau kan chính trị tâm nkuăl, rmôt kan./.