VOV4.M’nông –  Ta n’gor Kon Tum âk nău ƀư mât uănh Tết an nuĭh ƀon lan dôl dơi ƀư. UBND n’gor lĕ ntrŭnh đah rnoh ntop kơl an rnăk ach o n’hanh êp ach o wơt Tết Nguyên đán Nhâm Dần năm 2022. Tĭng nĕ, dĭng lĕ rnoh prăk ma n’gor Kon Tum an ntop kơl rnăk ach o n’hanh êp ach o wơt Tết Nguyên đán Nhâm Dần 2022 lah bơi 16 rmen prăk. Tâm nĕ ntop kơl đah rnăk ach o 600.000 prăk n’hanh đah rnăk êp ach o lah 300.000 prăk.

N’har bri Kon Tum an prăk kơl an kon hŏk nău rêh jêr jŏt ta xă Đăk Plô, nkuăl Đăk Glei.

Ta n’gor Kon Tum tâm ăp nar aơ dôl ƀư âk nău kan mât uănh Tết an nuĭh ƀon lan, ngăn lah nuĭh ta nkual jru ngai, nkual rnoi mpôl đêt n’hanh nkual n’har bri. Tât nar aơ hang rbăn nklâm ndơ Tết lĕ dơi an tât ty rnăk wâl mô lah ăp oh kon hŏk geh nău rêh jêr jŏt. Ăp bôk nău kan, kơt: “Khay puh n’har bri răm rhơn ƀon lan”, “Hăn ndrel bu ur n’har bri”, “Nar rgum nklâm ƀănh chưng”... dơi ƀư bah rnôk aơ tât ăp nar êp Tết djôt mông nar Tết răm m’ak đah ăp nuĭh.

Nuĭh rblang: Y Sưng Phê Ja