Nar 18/5, ta nkual ƀon têh Kon Tum, Ban Thường N’gor ủy Kon Tum ƀư Rƀŭn nchră n’gul gâl 2 năm ƀư tĭng N’glôn jêh mrô 1 bah Bộ Chính trị mpeh “Ntrôl dăng nti n’hanh ƀư tĭng nău mĭn, nău rêh, trong kan Hồ Chí Minh”, nkre rnê rhơn ăp rmôt, êng nuĭh ntoh lư nti n’hanh ƀư tĭng wa Hồ. 2 năm bah năp n’gor Kon Tum lĕ ndâk njêng geh bơi 1.300 ntrong kan uĕh, trong ƀư săk rnglăy nti, ƀư tĭng Wa Hồ.

Ntoh lư kơt ntrong kan “Gŏ loih nti”, “Ngih sam ƀŭt uĕh lăng” bah nău kan ntĭm nti, “Nar poăn rƀŏng tât bah dâng”, bah Đảng bộ nkuăl Đăk Glei, “Yăng phe tâm kơl” bah Đảng bộ nkuăl Ngọc Hồi”... Nău ntrôl dăng nti n’hanh ƀư tĭng Wa Hồ lĕ rgop n’hao nău wât, lĕ đah nău kan bah ăp gưl ủy, rmôt đảng, ngih pah kan, ntŭk kan ƀư tĭng nău kan chính trị dơi jao; rgâl tâm trong pah kan bah rmôt cán bộ, công chức, viên chức tĭng trong khoa học, săk rnglăy. Ta rƀŭn nchră, ban Thương vụ n’gor ủy Kon Tum đă ăp gưl, nău kan, ntŭk kan tâm n’gor rgâl tay trong mkra, n’hao uĕh nâp gay nău nti n’hanh ƀư tĭng  Wa Hồ jêng nău wât êng, nău ƀư ƀa ƀơ, na nao ăp cán bộ, đảng viên, công chức, viên chức, nuĭh pah kan...