VOV4.M'nông: Ôi 10/6, ta nghĩa trang liệt sỹ nkuâl n'har bri Ngọc Hồi, Tỉnh ủy, HĐND, UBND, UBMTTQ Việt Nam n'gor Kon Tum ƀư weh njăt, răk gĭt du bông nău rêh n'hanh tâp 13 nting tahen ơm khĭt Đội K53 rgum joi saơ ta Lào n'hanh Campuchia tâm khay wai 2021-2022.

Tâm mông nar chŭn mbah, Mpôl đại biểu 3 n'gor Attapư, Sê Kông, Chăm Pa Sắc, dak băl Lào; Rattanakiri, dak Campuchia; Mpôl ntơh măt Quân khu 5, Sư đoàn 10, Mpôl ntơh măt n'gor Kon Tum n'hanh dŭt âk mpưm nuĭh ƀon lan nkuâl Ngọc Hồi hŏ mpoh nhang, an kao  si nkah gĭt ăp tahen ơm dăng janh khĭt an nău đăp mpăn bah neh dak, yor ma nău kan dak bah dih têh khlay.

Tâm 13 nting tahen ơm khĭt, nuĭh rnâng kan Việt Nam dơi Đội K53 n'gor Kon Tum rgum joi tâm khay wai 2021-2022, geh 7 nting tahen ơm khĭt dơi rgum joi saơ ta 3 n'gor mpeh bah dâng dak Lào, lah: Attapư, Sê Kông n'hanh Chăm Pa Sắc; 6 nting tahen ơm khĭt joi saơ ta n'gor Rattanakiri, dak Campuchia.

Nuĭh rblang: Điểu Thân