VOV4.M’nông: Kêng măng 12/9, Ban tuyên giáo n’gor uỷ Kon Tum ƀư nau rgŏ jă nau tâm rlong joi gĭt “Kon Tum-110 năm ndâk njêng ndrel hun hao”. Rơh tâm rlong geh ƀư đah 2 nau kan: Tâm rlong nchih ndrel tâm rlong trắc nghiệm tâm Trang nkoch mbơh nau điện tử bah Ban tuyên giáo n’gor uỷ Kon Tum. Nau rlong nchih geh 3 nau ôp ndrel lôch nar nộp nau tâm rlong tâm lơ 20/11/2022.

Nau tâm rlong trắc nghiệm geh tâm 3 khay, ntơm rnôk 6h lơ 13/9 tât 9h măng 13/12/2022. Rnâng kan ƀư nau tâm rlong nchrăp ƀư nau Rgum lôch ndrel pă nau nkhôm bah năp lơ 5/2/2023. Rơh tâm rlong gay ma nkoch trêng, ntĭm mbơh ân ăp gưl kan ƀon lan, ngăn lah rơh mom gĭt kloh lơn mpeh nau vay njêng ndrel hun hao bah n’gor Kon Tum. Bah nê rgop nau ƀư n’hao nau gĭt tâm nau mât, ƀư ueh ăp nau khlay ơm ndrel văn hoá bah ƀon lan, neh dak./.

Nŭih rblang: H’Thi