VOV4.M’nông- Ôi nar 5/6, ta nkuăl têh Đăk Tô, nkuăl Đăk Tô, UBND n’gor Kon Tum ƀư rơh rgŏ jă Tết tăm tơm si lĕ nău rêh kahgĭt Wa Hồ năm 2022 n’hanh vơt tĭng nar ntŭk gŭ rêh lam ntur neh 5/6. Lôch nar rgŏ jă, rnâng kan n’gor Kon Tum, cán bộ ăp ntŭk kan, n’gâng kan, mpôl kan ndrel đah âk nuĭh ƀon lan nkuăl Đăk Tô lĕ ntơm hăn tăm tơm si rhiăng tơm si nđir ta quảng trường 24/4 n’hanh du đê̆ ntŭk tât ta nkuăl têh Đăk Tô.

Di rơh aơ, ntŭk kan tuch tăm mât rong n’hanh hun hao ƀon lan Kon Tum ƀư pă an rlău 157.700 tơm ntil tơm si kon, geh âk ntil kơt lah, sao đen, n’ger, tơm nâng, n’ho pe n’ha...an ăp ntŭk kan, tâm n’gor geh mât tăm ƀư ueh ntŭk gŭ rêh. Tâm khay mih năm aơ, n’gor Kon Tum geh nău nchrăp tăm mhe 4.500ha bri n’hanh lĕ geh pă an rnoh neh tăm na nê̆ tât ăp n’gâng kan, ntŭk kan.

Nuĭh rblang: Thị Đoắt