Ôi 17/4, ta nkuăl ƀon têh Kon Tum, UBND n’gor Kon Tum ƀư Bôk nau kan Cà phê ntŭk kan tăch rgâl-Nŭih ƀư kan tăch rgâl gay ndơn nau nkoch, nau đă mpeh ăp nau jêr, nau kol bah ăp ntŭk kan, nŭih kan tâm nau ntuh kơl ndrel ê nkra tăch rgâl bah n’gor. Tâm bôk nau kan, ntoh măt ăp ntŭk kan tăch rgâl, nŭih kan hŏ mbơh sŏng nau nchră đah rđau kan UBND ăp ntŭk kan, n’gâng kan bah n’gor Kon Tum mpeh nau jêr, nau nkol tâm nau ntuh kơl kŏ kơt lah nau ƀư nau kan ê nkra tăch rgâl bah n’gor.

Djăt ăp nau mbơh, nau đă, UBND n’gor Kon Tum, ăp ntŭk kan ndrel n’gâng kan bah 10 nkuăl, Nkuăl ƀon têh hŏ rklaih, mbơh ndrel doh ân 101 nau kan ân ntŭk kan. Đah nŭih hôm geh nau nkol n’gor Kon Tum rgum ntrŭnh ba kơi 10 nar mra geh nau ƀư gay ma rklaih, mbơh njoăl ma săm ƀŭt ơh nau ân ntŭk kan ndrel mbơh nau UBND n’gor uănh, rgum./.