VOV4.Mnông- Nău rlu pah kan ta ăp ntŭk mbơh tơih ntŭk tât ntŭk hăn đah ntŭk kan dak si mpeh njrăng rdâng nuh srê Covid-19 ta ăp trong quốc lộ n’hanh n’gor lộ bâh n’gor Kon Tum geh ƀư bâh ntơm 0 mông măng nar 12/1/2022.

Tĭng nĕ geh 6 ntŭk mbơh tơih đah n’gâng kan dak si bâh n’gor Kon Tum ta ăp trong hăn aơ. Tâm công văn njoăl an ăp ntŭk kan, n’gâng kan ta n’gor; UBND ăp nkuăl, nkuăl ƀon têh ntĭm đă lru ăp ntŭk kan mbơh tơih ntŭk hăn ntŭk sĭt đah n’gâng kan dak si gay ma njrăng rdâng nuh srê Covid-19 ta nar 11/1, UBND n’gor Kon Tum đă kruanh UBND ăp nkuăl, nkuăl ƀon têh ntĭm đă sŏk tay lĕ rngôch ndơ dŏng, ndơ dŏng dak si, nchoăn kloh ueh ntŭk ntô, rao puh kaman ê lor sĭt bâh ntŭk kan kâp chăm aơ. Kon Tum lah n’gor nglâ̆ dŭt ta nkual Tây Nguyên an rlu lĕ ăp ntŭk kan mbơh tơih njrăng rdâng nuh srê Covid-19 ta ăp trong quốc lộ n’hanh n’gor lộ.

Nuĭh rblang: Thị Đoắt