Gay ma rgŏ jă, ntrŭt bonh ăp oh geh nău rêh jêr jŏt, nar 1/6, ta nkuăl ƀon têh Kon Tum, rơh tâm nchră mât nău dơi oh kon se n’hanh mât kơl nuĭh quet nte n’gor Kon Tum geh ƀư rơh rƀŭn nchră rnê nsơm ăp oh geh nău rêh jêr jô̆t, geh nău dơi âk tâm nău nti n’hanh nuĭh kơl an ntoh lư năm 2023.

Ta rơh rƀŭn nchră, rơh mât nău dơi oh kon se n’hanh mât kơl nuĭh quet nte n’gor Kon Tum lĕ geh pă giấy khen rnê nsơm 20 oh jê̆ geh nău rêh jêr jŏt hun hao tâm nău rêh, pă an 100 nklâm ndơ an ăp oh kon se geh nău dơi tâm năm nti 2023 n’hanh mbơh nău ntrŭnh nkhôm rnê du đê̆ nuĭh mât kơl ntoh lư. N’gor Kon Tum aƀaơ geh rlău 40 rbăn oh kon se geh nău rêh jêr jŏt ta rnoh rnăk ach o n’hanh dăch ach o. Tâm ba năp nơh Ntŭk kan mât kơl oh kon se n’hanh mât kơl nuĭh quet nte n’gor lĕ geh tâm rgop, dơn prăk, dơn ndơ đah rnoh khlăy 3,8 rmen prăk bâh ăp ntŭk kan, doanh nghiệp, nuĭh lŏng nuih n’hâm gay ma ƀư ăp nău kan mât kơl an rlău 10.600 nuĭh quet nte n’hanh oh kon se geh nău rêh jêr jŏt.