VOV4.M'nông: Ta n'gor Kon Tum tâm  ăp nar rlău aơ nuĭh ntưp mhe COVID-19 hao âk mbro n'hanh kơp tât 23/2 n'hao lĕ rngôch rnoh F0 bah n'gor ntơm bah bôk nuh srê hŏ rlău 6.000 nuĭh. Bah năp nê tâm bar nar 21 n'hanh 22/2 n'gâng kan dak si n'gor Kon Tum hŏ năl geh lam n'gor geh tay 344 F0. Nău dŭt rvê lah rnoh nuĭh ntưp mhe COVID-19 tâm n'gor geh trong rƀŏng ntoh âk ta nkual jru, nkual ngai n'hanh nkual ƀon lan rnoi mpôl đê̆ gŭ rêh. Gay n'hao nău dơi tam pah kan njrăng n'gang nuh srê, Ƀan rđău đă njrăng, n'gang nuh srê COVID-19 n'gor Kon Tum đă nuĭh ƀon lan nkân nkân, mô phit klach, rvê ir yơn mô thơ tha, uănh lhơ; Tâm boh kan nsum lhăt đah ăp n'gâng kan dơi kan, tâm pah kan njrăng n'gang nuh srê COVID-19; Tĭng ƀư lhăt jăp nău đă  “5K + Vaccine" tâm njrăng n'gang nuh srê COVID-19 tĭng nău njrăng đă bah Bộ Y tế, lơn lah wăn bok put mbung rnôk luh bah jay n'hanh tĭng ƀư chuh vaccine njrăng n'gang COVID-19./.

Nuĭh rblang: Điểu Thân