Jêh du nar mêt uănh, kơp năp ăp nau khuch, nau mbơh tă bah Jrâu kan Văng sa nkuăl ƀon têh Kon Tum, n’gor Kon Tum ân saơ rơh mih têh, tŭp pler geh tâm kêng măng lơ 23/4 tâm lam nkuăl ƀon têh hŏ lơh khuch bơi tât 6,8 rmen. Nau khuch jâk ngăn yor sial vănh blông, mih tŭp pler lơh tâm lam nkuăl ƀon têh Kon Tum lah nau kan tuch tăm. Tĭng nau kơp bah Jrâu kan văng sa nkuăl ƀon têh, geh rlau 160 ha ba bơi tât nar rek geh djơh khuch yor mih tŭp pler, âk ngăn khuch rlau 70%.

Ndrel ma rnoh neh ba, mih tŭp pler kŏ lơh khuch rlau 2,5 ha tơm chanh sre ndrel rlau 5 ha tơm tuh mbo. N’gâng kan tâm nkuăl ndrel ƀon lan ngăch rklaih nau khuch jêh mih têh, mih tŭp pler ndrel nkah đă ƀon lan gay ma njrăng đah nau tât khuch bah mih, n’hach dôl ntrơn ntơm yan vai tât yan mih kơt aơ./.