Ơi kônh wa n’hanh băl mpôl! Ăp năm rlău aơ, nău ntrŭnh mbrô 05 “Mpeh ntrôl dăng kơt nti n’hanh ƀư tĭng nău mĭn, nuih n’hâm, trong gŭ rêh Hồ Chí Minh”, hŏ jêng nău kan way ƀư mbro, đăt êng tâm sinh hoạt chi bộ n’hanh tâm pah kan bah rmôt cán bộ, Đảng viên tâm lam dak. Lơn lah hŏ ntô̆ n’hao dơi nău khlay kan leo lor bah cán bộ, đảng viên, lơn lah cán bộ rđău kan, mât bôk kan ăp nhih pah kan tâm nău gĭt êng jru lơn mpeh nuih n’hâm, uĕh lŏng, trong gŭ rêh Hồ Chí Minh. Nking nchăng, ntrôl rŭch mpeh hŭch hêng nău mĭn chính trị, nuih n’hâm uĕh lŏng, trong gŭ rêh n’hanh ăp nău mpơl “mân êng”, “rgâl djơh êng” tâm mpôl kan nơm.

Bí thư Thành uỷ Hà Nội Đinh tiến Dũng mbơh, tâm nau nchră bah Trung ương, Đảng bộ nkuăl ƀon têh Hà Nội lah ngoai tâm ăp nkuăl leo bôk tâm lam dak đah âk nau kan ueh, mhe, blau tâm nau ƀư ntĭm nti ndrel pah kan tĭng nau mĭn, nau kan, nau rêh Hồ Chí Minh. Lah rjăp, ƀư ueh ăp nau tă dơi, tâm rơh tât Đảng bộ Hà Nội lŏ uănh năl nau ntĭm nti ndrel pah kan tĭng nau mĭn, nau kan, nau rêh Hồ Chí Minh lah du nkô̆ nau khlay bah nau kan ndâk, ntrơn nâp Đảng, rgop nau ndâk njêng Đảng bộ Hà Nội ngăn ngên kloh, nâp, rgop nau tâm nau kan chính trị bah nkuăl ƀon têh:

‘Lŏ rgâl mhe rjăp nau mĭn, nau kan, nau nchrăp, nau blau, nsôih, săk tam, tâm ban dơi đah nau kan ntŭk kan mhe ndrel tâm di đah nau ngăn geh bah Thủ đô. Nsôih, nâp ƀư nkô̆ nau ndâk nŭih Hà Nội ueh, blau, ƀư tĭng ăp nau ơm geh jru bah Thăng Long-Hà Nội rbăn năm văn hiến. Ndrel ma nau ƀư ntĭm nti ndrel kơt tĭng nau mĭn, nau rêh, nau kan Hồ Chí Minh đah nau ƀư nau kan bah ăp cán bộ, công chức, viên chức, nŭih pah kan tâm ăp ntŭk kan tâm nkuăl ƀon têh Hà Nội, nau ƀư kan tâm ntŭk geh âk nŭih tâm lam nkuăl ƀon têh ndrel nau nchrăp ƀư rjăp nau kan, nau nâp hành chính, ntrơn rgâl mhe nau kan, nau ƀư, njêng nau ntrơn rgâl ngăn rjăp, nsôih ueh tâm nau kan ƀư kan bah cán bộ, công chức nkual ƀon têh Hà Nội”./.