VOV4.M’nông –  Lơ 20/1, Mpôl pah kan bah Trung ương yor đồng chí Bùi Thị Minh Hoài, Bí thư trung ương Đảng, Kruanh Ban Dân vận Trung ương leo trong, lĕ hăn khâl, mbah rhơn Tết, an ndơ ăp rnăk dơi kơl, nuĭh ach o, phung pah kan jêr jŏt tâm rơh Tết Nguyên đán Nhâm Dần 2022 ta n’gor Dak Nông.

Kruanh Ban Dân vận Trung ương Bùi Thị Minh Hoài an ndơ rnăk ach o, phung pah kan jêr kŏt

Mpôl pah kan lĕ an 350 nklâm ndơ bah tơm prăk bâh Ủy ban Trung ương MTTQ Việt Nam an ăp rnăk dơi kơl, jêr jŏt, rnăk ach o; 200 nklâm ndơ bah Tổng Liên đoàn Lao động Việt Nam an 200 phung pah kan mât jêr jŏt geh khuch bah srê Covid-19.

Kruanh Hội đồng Dân tộc bah Quốc hội Y Thanh Hà Niê Kdăm an 500 rkeh prăk bah prăk ntop kơl bâh Ngân hàng BIDV an ăp nuĭh jêr jŏt ta Dak Nông

Tâm rơh khâl đŏng, wa Y Thanh Hà Niê Kdăm, Kruanh Hội đồng Dân tộc bah Quốc hội an 150 nklâm ndơ an rnăk ach o, rnăk dơi kơl, nuĭh nsing nơm lah nuĭh rnoi mpôl đêt, rnăk ach o, dŭt jêr jŏt n’hanh 500 rkeh prăk bah tơm prăk kơl bâh ngân hàng TMCP Đầu tư n’hanh Phát triển Việt Nam an ăp rnăk dơi kơl, rnăk ach o, phung pah kan jêr jŏt bah n’gor.

Nuĭh rblang: Y Sưng Phê Ja