VOV4.M'nông: Kêng măng (19/1), ta nkual ƀon têh Hồ Chí Minh, wa Nguyễn Trọng Nghĩa, Kruanh ban Tuyên giáo Trung ương hŏ khâl du đêt nhih pah kan, nuĭh gĭt blău, rnăk jêr jŏt ta nkual ƀon têh nkhêp tât rnôk Tết Nguyên đán Nhâm Dần 2022.

Tât khâl jrô kan mât rnă njrăng mạng n'hanh njrăng n'gang nuĭh tih công nghệ cao Công an nkual ƀon têh Hồ Chí Minh, wa Nguyễn Trọng Nghĩa ŭch rŏng Công an nkual ƀon têh mât uĕh ăp nău dơi hŏ geh, nkre mât nâp rnă njrăng chính trị, đăp mpăn lam rêh jêng kon nuĭh, nkre lah mpôl kan ta bôk trong rlong sial njrăng n'gang nuh srê, mpôl way rnâng kan, n'gâng tơm tâm mât nâp rnă njrăng đăp mpăn ta nkual. Nkre, wa Nguyễn Trọng Nghĩa an gĭt, trong nchrăp bah Đảng, Ngih dak mpeh rdâk hao tay wăng sa- rêh jêng kon nuĭh rgum tâm 5 nkô̆ nău têh. Tâm nê geh nău njrăng n'gang nuh srê Covid-19; tĭng ƀư jăp pah kan đăp mpăn lam rêh jêng; nta trong dơh tăch rgâl an mpôl doanh nghiệp rdâk tay nău kan ƀư njêng tăch rgâl./.

Nuĭh rblang: Điểu Thân