VOV4.M'nông: Rƀŏng tât Nkah ndray Nar dak si Việt Nam 27/2, ôi 21/2,  wa Nguyễn Trọng Nghĩa, Bí thư Trung ương Đảng, Kruanh Ban Tuyên giáo Trung ương tât khâl mbah rhơn ăp bác sĩ Nhih dak si Trung ương Quân đội 108, Nhih dak si Klơm soh Trung ương n'hanh khâl Giáo sư, Tiến sĩ Vũ Văn Đính nuĭh njêng n'gâng kan Hồi sức Cấp cứu Việt Nam. Nchih nkah n'hâm suan kan bah rmôt nai dak si Nhih dak si Trung ương Quân đội 108, Nhih dak si klơm soh Trung ương tâm ban kơt n'gâng kan dak si lam dak dôl lah mpôl kan ta bôk trong rdâng lơh nuh srê đŏng, wa Nguyễn Trọng Nghĩa lah rjăp, aơ lah nău an gĭt blău kan dŭt têh an rnoi nuĭh. Âk nai dak si an roh lĕ ma săk rêh he nơm ta bôk trong rdâng lơh nuh srê Covid-19. Njuăl nău mbah rhơn tât ăp nai dak si nkhêp nkah ndray nar Nai dak si Việt Nam, wa Nguyễn Trọng Nghĩa đă lam n'gâng kan tĭng ƀư jăp tay Nghị quyết Trung ương 6 khoá 12 mpeh nău rgâl mhe tay trong mât chăm, n'hao săk geh n'hanh nău tam kan bah ăp nhih pah kan n'gâng kan ngih dak./.

Nuĭh rblang: Điểu Thân