Ôi (18/8), ta Hà Nội, Bí thư Trung ương Đảng, Kruanh Ban Tuyên giáo Trung ương Nguyễn Trọng Nghĩa pah kan đah Ban Cán sự Đảng Bộ Văn hoá, Thể thao n’hanh Pâl nđaih mpeh lôch jêh pah kan n’gul năm kan n’hanh an tĭng ƀư Nghị quyết Đại hội 13 bah Đảng mpeh hun hao văn hóa, kon nuĭh Việt Nam. Lah ta rơh pah kan, Bí thư Trung ương Đảng, Kruanh Ban Tuyên giáo Trung ương Nguyễn Trọng Nghĩa lah rjăp; Tâm du njăr trong cách mạng, trong kan văn hoá way dơi Đảng he dŭt ŭanh khlay.

Lơn lah, bah ntơm bôk năm kan Đại hội 13 tât aƀaơ, trong kan văn hoá lơn ma dơi uănh khlay. Ăp nău rgop tâm nchră ta rơh pah kan ŭanh năl jêh geh n’gul năm kan tĭng ƀư Nghị quyết Đại hội XIII bah Đảng. Tâm nê uănh khlay lah nkô̆ nău văn hoá kon nuĭh tĭng nuih n’hâm Đại hội XIII n’hanh ăp nghị quyết bah Trung ương. Tâm let năp tay, Bộ Văn hóa Thể thao n’hanh Pâl nđaih gŭ mĭn jru tay n’hao nău gĭt êng ăp tŏng, jru hvi lơn mpeh văn hóa tĭng nuih n’hâm Nghị quyết Đại hội 13, hun hao văn hóa tĭng nău mĭn n’hanh Đảng hŏ n’gluh, way rƀŏng tât nău lam lĕ rngôch, tâm lăp tâm ban, tâm nê kon nuĭh mât nău kan n’gâng tơm , rmôt văn nghệ sĩ mât nău kan khlay./.