VOV4.M'nông: Ôi 10/6, ta n'gor Quảng Nam, Kruanh dak Nguyễn Xuân Phúc ƀư tơm rơh Tâm nchră rgop nău đah trong nchrăp Đề án “Rdâk njêng têh jong n'hanh ăp tŏng ngih dak pháp quyền xã hội chủ nghĩa Việt Nam tât năm 2030, rƀŏng tât năm 2045” sŏk nău rgop bah ăp tỉnh ủy, thành ủy nkual miền Trung Tây-Nguyên. Aơ lah rgum nchră tâl bar lôch tâm nchră lor bôk năp ta Quảng Ninh đah aƀaơ đêt nar. Lah ta rnôk tâm nchră, Kruanh dak Nguyễn Xuân Phúc rnê âk, ăp thành ủy, tỉnh ủy hŏ geh âk nău rgop lĕ nău gĭt blău, dơn kan, sŏng dăng, geh nău tâm ban tâm âk nkô̆ khlay rgum tơm bah Đề án. Nkô̆ hŏ nkrum lam ăp tŏng ăp nkô̆ tơm khlay tâm rdâk njêng n'hanh ăp tŏng ngih dak pháp quyền xã hội chủ nghĩa Việt Nam. Ăp rêng kan đăt ndal tâm trong nchrăp Đề án hŏ ntrŏng năl di rgum tơm; ăp nău kan, trong nkra ndơ̆ luh na nê̆, kloh rvah, tâm di đah nău ŭch geh ngăn ngăn. Kruanh dak an lah, ăp nău rgop mpơl nuih n'hâm cách mạng, nău ŭch rŏng ngăn dơi rgop tâm rơh rgâl mhe n'hanh hun hao neh dak. Aơ lah suan ntrôl gay kruanh rđău kan Đảng, Ngih dak rđău đă tĭng ƀư geh nău dơi nău kan rdâk njêng ngih dak pháp quyền xã hội chủ nghĩa bah ƀon lan, tă bah ƀon lan, yor ma ƀon lan, tă bah Đảng mât rđău kan./.

Nuĭh rblang: Điểu Thân