VOV4.M’nông – Nar 22/2, ta Ntŭk kruanh dak, Kruanh dak Nguyễn Xuân Phúc mâp măt kruanh n’hanh ăp nuĭh khoa học, nuĭh way kan wăng sa Hội Khoa học Kinh tế Việt Nam. Đah way ơm 47 năm ndâk njêng n’hanh têh jêng, Kruanh dak mpŏng ŭch Hội khoa học kinh tế Việt Nam lah êng, ăp nuĭh khoa học lam dak lah nsum an hăn lor du njoat tâm trong kan mĭn njêng gay dôh rklaih ăp nău wăk kol bah jâng wăng sa jêh 35 năm rgâl mhe, bah nĕ ƀư tĭng săk rnglăy Nghị quyết 13 bah Đảng n’hanh ŭch neh dak têh dăng tâm năm 2045. Hội Khoa học Kinh tế Việt Nam ndâk njêng năm 1975. Ngoăy tâm âk nău khlay bah hội lah ntrôl dăng ăp nău ƀư mbơh ntĭm uănh năl n’hanh mât uănh nău uĕh jêng kon nuĭh, tâm di nău đă bah kruanh ăp nău kan n’hanh ăp ntŭk. Lơn lah râng tâm rnôk mbơh ƀư nău kan n’hanh trong nchrăp 5 năm tât tĭng Nghị quyết Đại hội 13 bah Đảng.

Nuĭh rblang: Y Sưng Phê Ja