VOV4.M’nông: Kêng măng 18/4, ta ntŭk kan Trung ương Đảng hŏ geh rơh rƀŭn tal bar bah Uỷ ban rđau kan Bôk nau kan ndâk njêng Ngih dak pháp quyền đah nau rđau kan bah Uỷ viên Bộ chính trị, Kruanh dak Nguyễn Xuân Phúc, Kruanh Rnâng kan rđau bôk nau kan. Ntoh nau tâm nar rƀŭn, ntoh măt Rnâng kan, Kruanh dak Nguyễn Xuân Phúc mbơh, ăp nŭih kan bah rmôt Biên tập, ăp nŭih nchră nau kan, nŭih kan khoa học hŏ pah kan nâp, geh nau dơi, tâm nchră geh kloh rah vah, rgum âk ntil săm ƀŭt âk ngăn ntơm 27 nkô̆, 3 tập kỷ yếu tâm nchră neh dak, rgum âk ngăn nau gĭt, nau tă blau nau kan tâm nau nchrăp nkra, bien tập gay geh nau nchrăp Bôk nau kan tal bôk năp.

Nau rƀŭn bah Rnâng kan rđau nau kan rơh aơ. Kruanh dak rnê lah, hŏ geh nau tâm ban prêh mpeh nau mĭn, nau khlay ndrel nau rƀŏng kan bah Bôk nau kan “Ntrong kan ndâk njêng ndrel ƀư jêh Ngih dak pháp quyền xã hội chủ nghĩa Việt Nam tât năm 2030, rƀŏng tât năm 2045” n’ăp mpeh lý luận, nau ngăn ndrel ăp nau khlay rgâl mhe hun hao nâp nâl bah neh dak đah nau rđau kan bah Đảng, geh nau dơi pháp lý ndrel nau dơi chính trị gay ƀư rjăp ăp nau kan ndơ̆ luh tâm rnôk ndâk njêng bôk nau kan./.

Nŭih rblang: H’Thi