VOV4.M’nông: Ôi lơ 17/3, ta nkuăl ƀon têh Hồ Chí Minh, Kruanh dak Nguyễn Xuân Phúc hŏ ƀư tơm nar tâm nchră neh dak tal 3 mpeh nau ndâk njêng ngih dak pháp quyền. Rơh tâm nchră geh nkô̆ “Ăp nau kan mhe, rgâl mhe tâm nau ndâk njêng ndrel ƀư jêh Ngih dak pháp quyền xã hội chủ nghĩa Việt Nam tât năm 2030, rƀŏng tât năm 2045”. Jêh du nar djăt, tâm nchră, djăt ăp nau rgum, nau rgop ntoh tâm nar tâm nchră, Kruanh dak Nguyễn Xuân Phúc kơp dơn, nau tă geh bah 3 nau tâm nchră neh dak mpeh nau kan aơ geh nau khlay.

Ntrŭnh tât nau dơi rnôk ntrŭnh ƀư ngăn đah âk nau geh mbơh dŭt âk mpưm, geh nau khlay gay ma săch, leo lăp tâm nkô̆ nau bah bôk nau kan ndrel nau nchră ntrŭnh bah Trung ương. Kruanh dak lah rjăp, bôk nau kan “Nau rƀŏng ndâk njêng ndrel ƀư jêh Ngih dak pháp quyền xã hội chủ nghiã Việt Nam tât năm 2030, rƀŏng tât năm 2045” geh nau dơi khlay ngăn. Aơ lah nau ueh nơih, nau rgâl mhe tâm ntrong kan chính trị, tŏmng dơi nau ŭch hun hao jâng văng sa tăch rgâl rƀŏng tât Xã hội chủ nghĩa ndrel tâm rnglăp lam ntur neh./.

Nŭih rblang: H’Thi