VOV4.M'nông: Nar ntri 29/7, Ủy viên Bộ Chính trị, kruanh dak Nguyễn Xuân Phúc hŏ ƀư tơm Rơh hop tâl bar Hội đồng Quốc phòng n'hanh An ninh năm kan 2021 – 2026. Kruanh dak Nguyễn Xuân Phúc rnê âk ăp mpôl tahen, Công an, Ngoại giao n'hanh ăp n'gâng kan Trung ương hŏ lor rƀah gĭt nău lư, rblang di, nchroh nău tât khuch tâm lơh Nga - Ukraine, ngăch nsŏng kơl, dăn đă đah kruanh rđău kan Đảng, Ngih dak mpeh ăp nău mĭn, trong nchrăp, trong nkra bôk năp tâm di. Hội đồng hŏ tâm nchră n'hanh an nău rgop mpeh nô nău đăp mpăn prăk kaih tâm bah ri aơ n'hanh let năp tay. Hội đồng dăn đă mpôl Công an n'hanh ăp mpôl kan geh tât tâm let năp tay ƀư uĕh lơn tay ăp nău dơi hŏ geh, gŭ mĭn, nsŏng kơl đah Đảng, Ngih dak ăp trong nchrăp, trong kan tâm ban kơt an ƀư ăp kôp, lĕ n'hâm suan, geh nău tam ăp nău kan, trong mât đăp mpăn prăk kaih, rgop dâk hao tay wăng sa- rêh jêng kon nuĭh bah neh dak./.

Nuĭh rblang: Điểu Thân