Dơn nău jă bah Kruanh dak Võ Văn Thưởng, Toàn quyền Australia David Hurley n'hanh i ur  khâl gưl Ngih dak tât Việt Nam ntơm bah nar 3-6/4. Ôi aơ, 4/4, ta Nhih pah kan kruanh dak, Kruanh dak Võ Văn Thưởng ndrel i ur ƀư tơm rơh wơt rgum Toàn quyền Australia David Hurley n'hanh i ur.  

Lôch rơh wơt, Kruanh dak Võ Văn Thưởng n'hanh Toàn quyền Australia ƀư rgum nchră, ŭanh năl ăp nău hŏ dơi geh n'hanh n'gluh trong rƀŏng ntrŭt ntrôl tâm boh bar dak tâm let năp tay. Việt Nam n'hanh Australia njêng tâm boh ntơm bah năm 1973, n'hao jêng tâm boh lam lĕ rngôch năm 2009, Tâm boh lam lĕ rngôch n'hao dăng tay năm 2015 n'hanh n'hao jêng Tâm boh têh jong 3/2018. Australia lah ngoăy tâm ăp dak tâm boh bar ding pă kơl an ODA mô mplơ̆ tay dŭt têh an Việt Nam. 50 năm aơ, Australia hŏ ntop kơl ODA Việt Nam lĕ rngôch 3 rmen AUD, tâm ban đah  nklăp 47 rbăn rmen prăk Việt Nam. Aƀaơ geh nklăp 31.000 sinh viên n'hanh nghiên cứu sinh Việt Nam dôl kơt nti ta Australia (90% tĭng trong hăn nti êng).