VOV4.M'nông: Ƀan rđău đă rdâk njêng Đề án “N'glôch jêh 10 năm tĭng ƀư Nghị quyết Trung ương 8 khóa XI mpeh Mât njrăng neh dak tâm nô nău mhe" mhe geh rơh hop đah ntơh măt Quân ủy Trung ương, Nhih pah kan way rnâng kan bah Ƀan rđău đă n'hanh ntơh măt Tổ biên tập n'hanh rmôt kơl kan an Ƀan rđău đă. Kruanh dak Nguyễn Xuân Phúc, Ủy viên Bộ Chính trị, Kruanh Ƀan rđău đă rdâk njêng Đề án ƀư tơm rơh hop. Lah ta rơh hop, Kruanh dak lah rjăp nău n'glôch jêh Nghị quyết Trung ương 8 mpeh trong mât njrăng neh dak tâm nô nău mhe geh nkô̆ dŭt khlay. Jêng, Đề án hao mbơh rblang Trung ương ân ngăn ngăn, răp jăp n'hanh uănh năl lĕ rngôch nău dơi tĭng ƀư Nghị quyết, nkre nchŏng luh ăp nău dơh, nău rbăn lhơ, nkô̆, nău dơn kan n'hanh ăp  nău tă ơm gĭt kơt nti, nkre ntrŏng năl, rnoh tât kan, trong nkra mât njrăng neh dak tâm nô nău mhe./.

Nuĭh rblang: Điểu Thân