Ta ntŭk kan Kruanh dak, Jrâu kan Kruanh dak tâm rgop nsum đah Ban Nội chính Trung ương tâmn mâp măt ăp nŭih blau kan, nŭih kan khoa học ndrel ăp nŭih râng ndâk Bôk nau kan “Lŏ ndâk njêng ndrel ƀư jêh Ngih dak pháp quyền xã hội chủ nghĩa Việt Nam tâm rơh mhe”.

Ntoh nau tâm nar mâp, Kruanh dak Nguyễn Xuân Phúc lah kloh, tâm du năm n’gul ndâk njêng Bôk nau kan, Rnâng kan rđau kan ndrel Tổ biên tập ndâk nau kan hŏ nsôih ndrel ƀư jêh nau kan têh.

Ngăn lah hŏ rgum ăp ntŭk kan Trung ương ndâk 27 nau kan rgum, ƀư 3 rơh tâm nchră bah neh dak, 15 nar rƀŭn nchră jru ndrel 3 rơh rƀŭn sŏk nau rgop bah ăp n’gor uỷ, thành uỷ, rgum nau râng bah ăp nŭih kan, nŭih khoa học, cán bộ pah kan ngăn, ăp viện mĭn njêng, ngih săm ƀŭt tâm lam dak. Kruanh dak lah rjăp, nau ntrŭnh mpeh “Lŏ ndâk njêng ndrel ƀư jêh Ngih dak pháp quyền xã hội chủ nghĩa Việt Nam tâm rơh mhe” lah nau dơi geh bah nau mĭn nsum bah du rmôt ndrel nau gơih kan bah ăp nŭih blau nau kan tâm Tổ Biên tập. Kruanh dak đă ân geh ntrŭt dăng nau nkoch trêng, geh nau kan ngăn jêh rnôk ntrŭnh ƀư nau ntrŭnh tâm rơh rƀŭn lam dak mĭn, ntĭm nti, ntrŭnh ƀư ăp nau ntrŭnh bah rơh rƀŭn tal 6 gưl XIII./.