Rƀŏng tât nkah ndray 41 năm Nar nai ntĭm nti Việt Nam, ôi 13/11, Kruanh dak Võ Văn Thưởng hŏ tât khâl n’hanh mbah rhơn nar nai ntĭm nti Việt Nam ta Nhih nti Đại học Khoa học Xã hội n’hanh Nhân văn (Đại học Quốc gia nkual ƀon têh Hồ Chí Minh). Ntơh măt kruanh rđău kan Đảng, Ngih dak n’hanh đah nău ƀư lah sinh viên ơm, Kruanh dak Võ Văn Thưởng mpơl nău rhơn rnôk plơ̆ khâl nhih nti tâm ăp nar lam dak rƀŏng tât nkah ndray nar nai ntĭm nti Việt Nam 20/11.

Kruanh dak hŏ njuăl nău ôp khâl n’hanh nău dăn dŭt uĕh lăng tât ăp nai ntĭm nti, nkhêp geh nar 20/11. Đah rlău 65 năm rdâk njêng n’hanh têh jêng, rmôt kan bah nhih nti way dơi kơi ntop, hao mpeh rnoh âk, săk blău nău kan âk, geh nău tă ơm gĭt kan âk mpưm tâm gŭ mĭn, ntĭm nti. Âk giáo sư, tiến sĩ geh âk săk ntơ khoa học ntĭm nti têh khlay tâm n’hanh bah dih dak, dơi sinh viên n’hanh lam rêh jêng kon nuĭh nsing nơm, uănh khlay. Nkhêp geh rnôk dja, Kruanh dak pă an 20 nklâm học bổng lĕ rngôch rnoh khlay 100 rkeh prăk an sinh viên ntoh lư bah nhih nti n’hanh 100 rkeh prăk tâm bôk nău kan ntrŭt nsôr ntĭm nti, ntrŭt nsôr nuĭh gĭt blău bah nhih nti./.